#مـقابلتي مع الذابح + صورتي مع الذابح# (طبعا مو انا)

ا
(((لحضه قبل كل شي انا ناقله الموضوع من منتدى ثاني يعني من انا الي كلمت سعد)))

لسلام عليكم ورحمة الله وبركاته ..

جا يوم من الايام بعد اصابـة سـعـد باسبوع تقرييباً ..

كان عندي 2 من عيال خالتي وكان في نفس الوقت عندي اختبار انجليزي ..

المهم رحت انا لحالي لـمـحل تصويـر عشان ابرشم <<<هع هع <<<لالاتصدقون كنت رايح اصوور ..

وانا جالس اصور دق علي ولد خالتي طبعاً عيال خالتي هلالين متعصبيين

دق عل وقال / الحارثي مر من عند بيتكم .. قلت / اماا ..قال/ والله العظيم ..

قلت / طيب هو وينه الحيين .. قال / لحقناه ووقف عند قصر ونزل ..

قلت خلاص انا جاي ..

واروح لمهم والله كنت امشي 180 ..

ورحت عند بيتنا ودق على ولد خالتي واركب معه <<طبعاً الثاني جالس عند سعد يبي يصور معه ..

وركبت ورحنا للبيت الي في سعد .. يوم وصلنا والقا ولد خالتي الثاني جاااي فرحاااااااااااااان

يقول / صووورت مع سعد ويجي ويسجد سجود شكر في الشارع من الفرحه وهو هلالي ..

قلت / طيب كيف وشلون وينه طيب وهو <<<انا منلخم ..

قال ولد خالتي / يوم وصلنا لقيت سعد دخل جوا البيت .. وجيب كلمت السوداني الي عند الباب قاله ابي سعد وطلع له سعد بالعكاز وصور معه ..

ورحت انا للسوداني قلتله / ممكن تنادي لي سعد ..

قال السوداني / طيب .

ودخل السوداني يكلم سعد ..

وجا لمي قال ان سعد والله تعبان شوي ويبي يرتاااح ..

قلت / طيب ابي اور معه .. قال / تعال بكره ..

قلت / طيب هذا بيته .. قال / مدري

قلت / طيب متى يطلع .. قال / مدري

قلت / طيب هو بينام هنا . قال / مدري

قلت / طيب دايم هنا .. قال/ مدري

قلت / كل شي مدري ..

المهم ناداني ولدخالتي قال تعال يلا خلاص مو طالع سعد .. ويضيق صدري ..

يوم رحت للبيت خذت السياره ورحت عند البيت الي في سعد .. قلت والله لو اجلس الى الفجر عاادي بس اهم شي اصور مع سعد <<<طبعاً انا 5 مرات رحت للنادي ولا القا سعد ..

وجلست يمكن نص ساعه جالس في السياره واحتريييه ..

شوي طلع سوداني ثاني غير الاول ..

قلت/ يازول ..

قال / هلا ..

قلت / ممكن يالطيب تنادي لي سعد ابي اصور معه ..

قال / طيب دقايق ..

جلست دقيقتين ويطلع الذاااابح من الباب بالعكاز معه 2 من اخوياه ..

رحت بسرررعه وسلمت علليه ..

انا / السلام عليكم

سعد / علييكم السلااام ..

انا / اخبارك سعد ..

سعد / والله تمام .. وانت اخبارك ..

انا /تمام دامك تمام ..

سعد / دووم ان شاء الله ..

انا / تسلم والله ..

انا / سعد وينك والله لي نص سااعه عند الباب أحترييك ..

سعد / معليش والله ماقدرت اطلع لك لاني توني جاي من العياده وتعبان شوي ..

انا / سلامت ماتشوف شر ..

سعد / الله يسلمك .

انا / وش صار على الاصابه

سعد / والله بكره بروح اكشف بكره عند الدكتور صالح الحارثي <<'طبعا الدكتور صالح في نفس الوقت الي كنت مع سعد كان عندنا في بيتنا عشان يككشف على الوالد لان الوالد رجله مكسوووره ..

انا / الدكتور عندنا الحين جاي يكشف على الوالد ..

سعد / امااا .. يعني الدكتور يطلع زيارات خاصه ..

انا / الاصل انه مايطلع بس عشان الوالد حاله صعبه شوي جا عنده وعشانه صدييقه بعد ..

سعد / اهاا .. مايشوف شر الوالد وسلمني ..

انا / الشر مايجيك ..

انا / سعد والله كم مره جيت النادي ابي اصور معك ولا القاك ..

سعد / افاا .. كان دقيت علي <<<قالها وهو يضحك ..

انا / من وين اجيب رقمك ..

سعد / اعطيكياه ..

انا / طيب ممكن صوره

سعد / خذ راااااحتك ..

طبعاً كان مع سعد 2 من اصدقاه خالد المالك وعبدالله الدوسري ..

عطيت الجوال خويي سعد عشان يصورني ..

يوم جا يصورني قال خويي سعد / بسألك كيف عرفت بيتنا?,<<<قالها وهو يضحك ..

انا / قلتله السالفه ..

يوم مسك الجوال بيصورني قال خويي سعد / ايه صح انت نصراوي ..

انا / ايه وش رايك

قال سعد /شف ميداليته نصراويه <<<<كان معي ميداليه حقت المفاتيح ماسكه بيدي فيها شعار النصر .

المهم صورني .

بعدين قال سعد / صورنا ثانيه .. وصورنا مره ثاانيه ..

انا |/ يلا سعد ما اطول علييك >>لان باين انه رايح يتعشى ..

سعد / لاشدعووه .. تعش معنا ..

انا / تسلم والله ..

انا / يلا مع السلامه ..

سعد / مع السلامه ..

رحت وشغلت السياره يوم جييت بمشي كان معي شال في السياره ووقفت عند سعد كان توه راكب سيارته .. قلت / سعد .. قال / هلا ..

انا / فيه شال بعطيكياه ,,

سعد / اوقع علييه ولا آخذه ..

انا / والله الي تشووفه ..

سعد / خلاص يآخذه احفظها عندي ..

انا / خلاص زين .. يلا مع السلامه ..

سعد / مع السلامه ..

ورحت لعياال خالتي متشقق من الفرحه ... ولاذاكرت انجليزي من الفرحه ..هع

ويوم جا بكره طلعت انا الظهر ولقيت سعد واقف جنبي بالاشاره كان رايح يكشف .. طبعا الي يسوق صديق سعد ...

ووقفت جنبه وعرفني وسلم علي ..

طبعا اكتشفت بعدييين اان البيت الي يروحله سعد طلع بيت صديقه اسمه خالد المالك

ودايم سعد واخويااه يجتمعووون عنده ..

وصرت اشوف سعد تقريبا شبهه اسبوعيا ..

وفي كأس الخليج الاخيره .. دايم قبل المباره بنص ساعه يمر من عند بيتنا يروح يشووف المباره عند اخويااه ..

وسعد معه رانج روفر سبورت ابيض وبورش فضيه ..

وهذي صورتي مع سعد :

^
^
^

#مـقابلتي مع الذابح + صورتي مع الذابح# (طبعا مو انا) Wh_48814853

#مـقابلتي مع الذابح + صورتي مع الذابح# (طبعا مو انا) Wh_48814853

اعتذر عن ردااااااااااائه الصوره .. لانه بالجوال ,,

اخيراً / كان سـعـد معي قــمــة فـي الاخلاااق ..

وآآسف على الاطااله ..

تـحـياتـيـ ^_^ ..

منقول وتحذير للأعضاء الفاهين لأتقولون انفاس وين شفتيه؟؟ Question

يسلمووووووو خيتوا انفاس ع المعلومات عن سعدنا فدييييييييييته

سعد الحارثي-ليتني قلبك كتب:: يسلمووووووو خيتوا انفاس ع المعلومات عن سعدنا فدييييييييييته

الله يسلمك
اكيد اي شي عن سعدنا انا في الخدمه هههههههههههه

نوووووووووووووووورتي ليتني قلبك

دمتي بأفضل حال

» صور لسعد (الذابح)الحارثي من لندن
» هدف الذابح اثناء التسجيل و كيف كانت فرحته(بصور)